寫比自己既詩

最近有Ｄ事好唔順心，個心一直都好似有舊野咁，食又諗住，訓又諗著.......等代解決！

寫詩去抒發自已情緒。


事事順心無可能，只可盡自己本能。
有時想中途放棄，咁做等於要逃避。
逃避後就唔開心，難為自己既身心。
想要取得幾多分，睇你付出有幾斤。
若付出多收得少，唯有自己再諗橋。
每件事都變歷史，回頭看自己咁屎。
寄望明天做既事，唔好變成遺憾事。
做來做去未稱心，只好自己平常心。
莫事事都去計較，一於上床大睡教。

海地

昨晚突然黑雨，臨時取消上堂，只好係屋企睇電視， ATV 既愛情犀利哥果個男主角個樣好傻仔好搞笑，佢係可以唔使講對白就令人發笑果隻，告白出現，例牌拿住個 remote 轉台，TVB 同 Pearl 都唔吸引，終於發現 World 台原來做 ＜六十分鐘時事雜誌＞，今期講既係海地地震後情況，於是拋棄犀利哥睇下海地既情況。
而家既海地仍然係一片廢墟，有好多難民，有好多孤兒出現，環境惡劣。
一個當地既牧師一面等著地震失縱既兒子消息，一面去幫助當地既難民，最終發現兒子既屍體時，佢感謝神幫佢搵返個仔，因為當地有無數父母仍然在等自己失縱既兒女下落。
海地一向都有兒童奴隸，地震後奴隸數目就大大增加，訪問一個小女奴被主人虐打強暴至懷有胎兒，原來呢種情況係當地好普遍；一個小男奴話：我由朝做到晚，每日都被主人打，當主人要外出一整天，我就一整天都要被放在屋外無食物等主人回來。
一個有心人，佢每日都鍥而不捨走到富裕人家游說主人放走家中既奴隸，雖然是份艱巨既行動，但佢話：可以幫到一個得一個，我清楚做奴隸既日子，因為我以前自小就係奴隸。
我睇著自己整齊既屋企，睇下我坐既一張好舒服既 sofa ，望住一個 32 寸既大電視，拿住一杯飲品..... 心裏很難過，我重可以要求咩？
唔好以為世界係公平既，唔好以為你一定有得食，一定有得住..... 其實係唔一定既，要感恩你而家既所有呀！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
海地7級大地震至今已半年，目前仍有數以百萬計的海地災民未獲妥善照顧，衛生和醫療條件堪慮，且地震造成的瓦礫過多，清運工程呈現牛步，報導甚至形容，海地「仍生活在廢墟之中」。
此外，海地政府今年3月曾向國際社會要求援助，當時各國政府與國際機構皆承諾將給予幫助，無奈款項因各種因素至今仍未到位，再加上國際間對於海地政府處理款項沒有信心，也是造成重建步調緩慢的原因之一。
*** 消息來自自由時報７月１２日。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

昨日既餐

早餐 : 馬鈴薯，番茄，紅羅白，紅菜頭，有機磨菇，南瓜，糯玉米，紫菜素鴨，有機喬麥麵

午餐 : 粥

金針，雲耳，山藥，花生，白米，小米

有機菇炒蛋