你行什麼路？

很多人喜歡吃好味的食物，不論有害與否；更多人不喜歡無味的食物，不論有益與否。
很多人喜歡聽甜言的蜜語，不論假心假意；更多人不喜歡由衷之善言，不論真心真意。
所謂忠言逆耳，需然老套但很現實！
生命短暫而不易過，喜歡做自己的事就做吧！喜歡行自己的路就行吧！
但請不要影響他人為原則，當你做了行了之後，不良的後果要他人承受就是影響他人。
無人有義務要去承受你帶來的不良後果，更無人有義務要帶你去行一世的路。
若然你話你做人沒(原則)，那.....真是一個悲哀人生！

你是那種人 ?

一個 (唔聰明既人)：
去表現叻，人地會係背後笑佢認叻；
去表現兼虛，人地會喜歡佢老實，同佢做朋友好舒服；
去表現蠢，人地就察覺得佢其實唔係咁蠢。
一個 (聰明既人)：
去表現叻，人地會覺得佢好普通無咩特別叻；
去表現兼虛，人地就喜歡佢老實，同佢做朋友好舒服；
去表現蠢，人地就察覺得佢其實係非常聰明。

喜歡認叻既人遇到蠢既人，佢會好開心因為有位可入去表現自己叻！
喜歡扮蠢既人遇到認叻既人，佢會好開心因為有小丑比佢睇！
喜歡兼虛既人遇到認叻同扮蠢既人，佢會以平常心去睇人性！

亞蘇的一個真實故事

一向喜歡聽蘇絲黃講，夠爽，夠直！
上星期五有機會聽佢做一個電台節目，題目係講有關小朋友既真。
亞蘇就講左一個佢自己多年前既一個真實故事：
亞蘇多年前曾經係一間醫院做義工，一次跟小朋友遊戲安排時間係中午時份，其中一個小女孩要求醫院安排遊戲時間延長 15 分鐘，但醫院時間安排係不可改，小女孩就每天不斷地向每個有關工作人員請求，包括亞蘇，包括果位當天要替小女孩照Ｘ光既師傅，但無人能改，小女孩每天在醫一起床就係好忙咁請求所有人，如是這一個星期.....到最後，Ｘ光師傅應承小女孩早 15 分鐘食完中午返醫院替小女孩照Ｘ光，小女孩為何要咁樣努力去要求 15 分鐘遊戲時間？
原來遊戲當天的第二日係小女孩要開刀切去隻腳的日子，遊戲當天的時間正正就是小女孩要照Ｘ光既時間，剛好做成她無機會參加遊戲........呢個時候亞蘇已經忍唔住喊，電台立刻一片靜寂，需要另一位廣播員接著，而我坐係巴士上都忍唔住流著眼淚。
亞蘇繼續返來講，小女孩無要求一小時，無要求半小時，佢只係要求 15 分鐘，就只係短短 15 分鐘比佢用雙腳去玩埋呢個遊戲，第二日就要開刀，小朋友好簡單，好直接，同大人唔同。
＝＝＝＝＝＝＝＝＝＝＝＝＝＝＝＝＝
大家好有福咁仍然擁有雙腳既朋友，你地重會唔會善慕人地可以著住一對名貴而你買唔到既鞋？你地重會唔會只係坐係電腦前或 SOFA 上唔比你雙腳去走動下？你地對自己生命重有咩要求？