開心遇見

無預計會行呢條路，無預計會去八方雲集食鍋貼，更無預計到食錯左坐係我對面個女仔既一隻鍋貼.......
但佢無面黑，佢無一點兒唔高興 ......
我十分之唔好意思，我十分之尷尬 .......
佢唔要我比返佢既錢，佢話佢根本食唔晒 ...... 佢還叫我下次試下食咖哩鍋貼。
我一定要佢收返錢，我話我個心唔安樂 ......，我還叫佢食唔晒下次唔好叫咁多。
我地好客氣，我地好有禮貌，我地寒喧左倆句，就講拜拜！
生活上好多壓力纏著，身邊有好多有機心既人圍著，人生有好多唔開心既發生著 ......
呢刻我很開心，我遇到一個善良既人，遇到一件純真既事 ......
我竟然由走果刻開始開心到返屋企。

不用上堂的一天

不用上堂的一天今日趁沒堂要上，約同家人到沙田新城市廣場的美心飲茶。

因為大家少見面，一坐就坐上兩個幾小時飲茶相聚，之後一路走一路不斷的有很多很多說話要講........雖然不愉快事又再發生於我身上，但家人歡欣相聚，我都係開心，這就是人生的一部份。
我沒有參加「悼念菲律賓遇難港人」聯合大遊行，因為知道自已的情緒是不能接受這些場合，恐怕會多個情緒病人，但沉默不等於冷漠，冷靜不等於忘記。

紙做的衣服紙做的 rose紙做的 rose 裙

跳舞比賽

因為無咩吸引我，好耐無帶隊出去表演 / 比賽，最近終於決定帶一次。

2 個月既排舞，大家都好努力。

全隊共12 個人，12 種性格。

有好努力既，就算係已經跳得好好都仍然好努力不停練習，讚！
有好認真既，會自已動腦筋 adjust 動作，讚！
有堅持既，雖然跟得好吃力都唔放棄，呢點係最令我欣嘗既，讚！讚！
有好有天份既，行出來就已經唔使我擔心果隻，讚！
有一遇到挫折就立刻放棄既，唉！

有唔衰得既，被指出錯處時就面露不悅，唉！
有懶懶散散既，人地好努力咁練習，佢就企埋一面睇野，唉！
但無論如何 8月8日既比賽都總算完滿結朿，還取得亞軍！yeah ~~~

食飯慶祝

8月8日學生比賽得亞軍，之後去百樂潮州酒樓食飯慶祝，雖然未齊人，但都很開心。

鹵水拼盆

鹵水味適中，有水準！

金銀蛋浸莧菜

味道一般

潮州蠔烙

很香口，蠔味夠，正！

免費送既金銀蒜蒸勝瓜

普通！

竹笙豆腐煲

鹹味適中，好好味呀！

梅菜扣肉

差！名付其實＜梅＞菜，無咬口，味道又差！

糖醋炆排骨

味道麻麻，失望！

沙茶牛肉炒河

好好味呀！沙茶醬味好好！正呀！

糖醋伊麵

麻麻地！

重有鮮蠔泡粥（無相）

蠔仔好大粒，好好味，也是我的至愛！

呢倆個食勁既情侶

一行十一人共＄１５００

我唔使比錢，多謝各位同學！

貴花甜

昨晚放學以飽肚之下陪朋友去貴花甜食甜品

入座後，店員立刻熱情招待，介紹食品。

火焰燈酒雪山雪糕 $42

店員於我們面前加燈酒點火，很特別的感覺。

白色雪山好鬆軟，整件甜度適中，非常好味！

Bailey 酒梳乎厘 $38

外型好吸引，用 Baileys 法國櫻桃酒制作，上面皮層普通，內裏白色應該是蛋白制做，都算好味，若然酒味再濃就更好。

比利時朱古力心太軟伴雪糕 $42

巧克力有流心，但蛋糕未夠滑，巧克力不夠香，比起＜紅螞蟻餐廳＞的還差一大截。

食後店員立刻問我們意見，還著我們填寫一份資料就可以擁有一張９折卡，就最近八達通事件我拒絕了填寫，但朋友接受，於是以後我們可以以９折再來啦！

倆人食３樣甜品，真是過份啊！哈哈！

但無論如何，食甜品令人開心，一定會再來試其他。