金水壽司

第一次到金水壽司食野，彌敦道銀座廣場果間，地方清潔，招呼普通，但食物就差勁！非常失望。

紫薑

任食，但睇落都唔新鮮，食落都係唔新鮮。 

芝麻八爪魚 $16

一上桌，嘩！咩ｏ黎架？個樣好難睇，上面加左好大堆醬，重要係 2 條中型既，唔係細細隻一口一隻果種，唔好食，去超市買果Ｄ重平重靚啦！SHIT！

  三文魚壽２份 $20

魚唔新鮮，無魚味！

　　

辣味螺肉 $16

唉！又係睇落去唔知咩！賣相嚇人，又係一堆醬係上面，無咩好食。

三文魚手卷 $13

炸蝦手卷 $16

辣味三文魚手卷 $16

辣味螺肉手卷 $15

所有手卷外既紫菜都係咬唔開，大家好努力咁一面食面扯開紫菜，有無搞錯呀！ 

炸軟殼蟹天婦羅 $38

蟹 2 隻，普通，唔算好食 

雞軟骨串 2 份 $52

普通，但已算係今餐最好食既，唉！

雖然唔飽，但實在唔敢再叫野食，4 人共 $222

我唔係一個食野太厭尖既人，但呢度ｄ野食........以後都唔再去幫趁襯呀！

雞絲稻庭冷烏冬

第一次嘗試，比想像中好食啊！

稻庭烏冬

日本芝麻沙律醬

將稻庭烏冬煮熟，用冷食水沖至涼，放入已熟的雞絲，生青瓜，加入一些芝麻沙律醬，放入雪櫃一夜，食的時候再加些芝麻沙律醬

快樂海鮮酒家

柴灣區既酒家都唔少，大家競爭非常大，眼見做唔住轉手既有很多，呢間快樂海鮮酒家剛剛轉左新老細，因為飲過幾次早茶都好滿意，所以昨晚同家人到來食飯預祝中秋節。

多寶魚 $28

魚新鮮，鼓油汁做得好味，令至條魚更好味。

冬瓜盅 $28

家人話材炓唔夠多，湯唔夠味，我自己就覺得無問題，都過得去。

瑤柱白菜仔 $55

味道一般

生炒骨 $52

非常脆口，味道非常好，讚！

腐乳通菜 $48

唔會太鹹，味道適中

士多啤梨炸蝦球 $78

外脆內軟，偏甜左少少，唔夠士多啤梨味，但都非常好味！

薑蔥炒蟹 $144 (貴)

我自已對食蟹無咩興趣因為好多時都會有損傷自已個口，所以寧願唔食，但都食左少少，都幾好味。

　　　　　　　　　　　　　　　　脆皮燒腩仔 $48
我的至愛，飲早茶食過多次，今次唔例外，一定要食，皮脆肉嫩，香口，食過返尋味！
六人一共 $626

程班長台灣牛肉麵

每次經過都被這門面的食物吸引，終於一嘗

雞湯水餃

肉無雪味，都算唔錯。

雞湯餛飩

味道普通

鹵豆乾

鹵水乾豆腐，雖然好味，但過鹹

煎墨魚餅

過份彈口，似難消化，食一個就唔想再食

蒙古烤羊扒

太乾，太鹹，雖然用上孜然調味，但無孜然味，係我食過咁多既羊扒之中最差

 程班長酢醬麵

味道不錯，但深色既不知是肉定豆乾，果待應話係豬肉，但我地覺得係豆乾。

香芒糯米卷

芒果味香，都算唔錯

椰汁芝麻糕

外型吸引，芝麻好香，值得一試

榴槤大合奏

只得一球小的榴槤，一個球雪糕，放入西米糖水，非常麻麻。
但榴槤痴 Esther 就讚口不絕

招牌什果涼粉

可能之前既食物太鹹，見到生果非常開心，雖然普通，但大家都爭住食

五人共　＄３３６

以後都不會再來，因為食物不合格，最重要係太唔環保 -- 用木筷子 !

紅酒醉雞翼

雞翼用調味料和鹽醃 4 小時後，隔水蒸 25 分鐘。

之後先用清水沖洗，再用飲用水沖洗，放入冰好的飲用水浸 4 小時。

醉雞汁

紅酒

然後棄掉水份，加入醉雞汁和紅酒放入雪櫃 4 小時。

最後取出，可以食啦～～～