是日2月12日，約同３個朋友去元朗遊玩。
地址：元朗錦田北圍村 (遊樂場側)。
第二站元朗舊墟
地址：元朗南邊圍及西邊圍 
第一站
錦田樹屋地址：元朗錦田北圍村 (遊樂場側)。
係紅磡火車站坐西鐵到錦上路站出。
B出口就見到呢個跳蚤市場，當時大約上午十點幾，可能太早，只得幾檔鋪開左，我地兜左一圈，完重買左懷舊芝麻糖蔥餅食，之後就起程行路出發去錦田樹屋。
跳蚤市場對出有單車出租，傍有條小小既橋，過左穚有好多靚既村屋。
我地一路行一面問路，途經一間叫紅磚屋跳蚤市場，因為時間尚早，市場內都些店鋪未開。
朋友係一間畫廊既店內買左２幅畫，又送左一幅比我，真係令我好感動。
紅磚屋傍行入少少見到一間叫豆花譜既店鋪，見豆花倆個字，我地梗係倆眼發光啦。
祥情請看我的 openrice
食完豆花繼續行，路經好多村屋，村屋係我地４人共同既喜好，大家一面行一面好興奮，真的好希望擁有，我地重走去地產睇下價錢........哈哈~~~
行到不知幾遠有 3 幢剛起好落地玻璃既新式村屋，對出有一座涼庭，我地坐下休息，望住咁靚既村屋流晒口水，幻想自己入去住呀~~~~ !! 附近有 2 個農家賣菜，我就左咁筍仔比大家坐低食。
重買左黃薑
休息完再起程，經過好多村屋，見到個水溏，目的地快到了。
錦田樹屋呀！根連根纏繞著！聽講樹齡超過一百年。
原來有好多旅團都會安排呢個竟點，好彩我地早過ｄ旅行團來到，我地影完相就起程下一站。
大約下午２點幾鐘第一站完成，行出少少就有 601 小巴可以去元朗，車程大約 15 分鐘就到元朗。
元朗係市區，好多人，空氣跟錦上路全完唔同，係元朗鐵路一面係舊墟，一面係新市鎮，我地目的係舊墟
地址：元朗南邊圍及西邊圍
舊墟呢面果然真係好舊，呢間屋因為無人住，屋頂生左好多草，重有花o忝呀！
行完舊墟走去另一面既市中心食野，我出發前係屋企上網搵定食店，費事到時晒時間去搵。
原本重有第三站天水圍屏山文物徑，但因為其中２人家中有事一定要走，咁唯有下次有機會再去。
今次既旅程我好開心，我地４人傻下傻下咁遊玩左一天，用口買左多間村屋，又食左好多玩野，遠離市區真係人生樂事！
沒有留言:
發佈留言