至食煙的人

至食煙既人：
當你每次手夾支煙時，請你要諗下：
1) 你吸緊支對你身體有害既煙。
2) 你吸緊支價錢超貴而有害健康既煙。
3) 你吸緊支用好多血汗錢去比煙草商換來有害既煙；
　煙草商比支有害既煙你換取你好多既血汗錢，然後自己就去食鮑參翅肚。

給無道德既食煙人：
1) 係人多既行人路上食煙，可能你支煙燒到隔離人既衣物；
　煙灰可能飛至他人身上 。
　(本人就親身經歷過被前面食緊煙既人的煙灰飛左入眼，
　當時真係好痛，好在眼睛遇到有物件入侵時本能就係流眼水，
　但都要搞成２個鐘先無事。)
2) 排緊隊時食煙，你會搞到成絛龍既人食你二手煙，好乞人憎呀！
3) 上車前食煙，你上車後，你鼻孔呼出既二手煙超嗅呀，
　搞到成車人唔舒服，真係神憎鬼厭呀！
4) 同人食飯前食煙，當你埋到台食飯時，同台既人成餐飯都要同個
　嗅煙味既人一齊食飯，真係食無知味只有嗅味！
5) 係行人天橋食煙，行人天橋只得一條路，係你後面既人群
　係無路可逃之下被迫吸你二手煙，你係間接殺人兇手呀！

食煙既你，睇完呢篇文章有咩感想？會自律嗎？會自愛嗎？
唔食既你，睇完呢篇文章有咩感覺？會傳閱嗎？

祝大家身體健康！生活愉快！