祥雲

幾年前曾經有一次係維園遇到一大班人望住個天話見到觀世音雲像, 我當時到達時雲像開始散開, 我係見唔到觀音像既, 但見到天上既雲好靚, 傍邊有一個男人話我知呢種就係 <祥雲>, 即係吉祥既意思.


12月9 日去小西灣, 發覺天上出現一大片祥雲, 當時我望左好耐, 於是拍下留念.

12月12日舞蹈比賽後感

冠軍隊 ( 最有天份隊 )

隊員：Chantel，Tommy，Yoki，Milk，Renata

由開始知道要參賽，就立刻通知各同學，希望可以有十幾人參加，但最後只得 5 個，搵參賽歌又曬左好多時間，Costume 既決定又好闖拙，誤打誤撞就配左黑白出來，排舞時間又唔夠，

重有其他既問題發生....本來無太大寄望。

好神奇，真係好似有天意咁，效果出來，5 個人最 perfect ，多一個都唔好，黑白色衫配襯非常之好睇，參賽歌曲令人聽起來好開心， 隊員最終合作得好好，讚！

亞軍隊 ( 最勤力隊 )

隊員：Shuky，Ceceily，Annie，Vivian，Angela，Grace

一來慢舞較難跳，二來隊員大陪份都未跳過，最初都係擔心排唔到出賽，但呢隊非常勤力，唔使我粗心，其間雖然有好多問題發生，costume 又未達理想，係佢地努力之下最終都排好，而且出場表現都唔錯呀，讚！

季軍隊 ( 最可愛純真隊 )

隊員 : 小寶，Kathryn，Melissa，Bobo

基本上佢地無正式學過跳舞，最初真係無信心佢地可以排得晒隻舞，已經非常簡化動作，進度都係好慢，加上個個未定性，古靈精怪行為，又成日遲到，我改野佢地又炸型，唔照佢地意思去做佢地又無心機練，好彩佢地好多好主意，同佢地一齊值頭好似揍女咁，有時比佢地激死但又嬲唔落，同佢地一齊真係好開心架，最終出場大家表現都非常好，讚！

今次既比賽整體都算順利又開心，真係好多謝！

心愛既學生們給我既生日禮物

 好開心收到可愛既學生們給我既生日禮物，開心係收到心意！
上堂中突然拿出一個芒果蛋糕來，超開心係收到心意之餘，芒果蛋糕也是我的至愛！

還送我一張有飛吻既心意咭

跟學生們一樣咁可愛既 Mickey and Minnie

我心愛既學生：小寶，Kathryn，Melissa，Bobo

佢地既內容超可愛，純真！

＜我估＞左起：小寶 ( 睇條辮就啦！)，Melissa ( 肥o都o都好 cute 既面係佢啦！)，Bobo ( 無咁瘦係麻！)，我 (唔使估都知係我啦，最婑重唔係我？) Kathryn ( hehe...帶口罩實係有公德心既 Kathryn 啦！)

=========================================

同場另一班同學也送我禮物

一個手挽袋寫上 Happy Birthday from your dancers！

Dancer Tommy

Dancer Renata

Dancer Milk

Dancer Chantel

Tommy 解釋這支是用於手指生倒刺時一查即好返架, 當時所有現場女仔都唔知有咁既參品，Tommy 你好勁呀 !

係紫色既帽，I love it！yeah！

真係好多謝大家既心意呀！

生日食飯

學生 Esther 同 Maggie 好客氣咁請我去食飯慶祝我生日。

因為收到一張傳單，有十二種菜式有半價，於是大家抱著一試既心情就走去香港大牌檔食飯。
地方既位置比較遍僻，人流少，入到去地面一層，人唔多，地方細，只得幾張小台同一張長型既大台，我地無選擇上去二樓，因為係樓梯口已經聽到好嘈，相信呢種情況就係以前大牌檔既情景，只係我地想清靜就選擇地下層。
待應有禮招呼好。

上二樓前既樓梯口掛了幾個舊式既相箱。 

酥炸陳皮骨，好香脆，有少許檸檬味，好特別，好好味。

 

風味沙薑雞，雞肉嫩滑，自制沙薑汁好好味。 

湯底好濃味，因為內有細蝦米粒，冬菇絲，炸蒜頭

 

Esther 好有心思自已包既禮物送給我。

原來係外型好靚既香包

好多謝學生們既心意 !

8花齊放 香港動畫教育之《拾下拾下》

在一個繁榮的城市裏面，住了各式各樣的人，一個收拾紙皮的老婆婆，每一天清晨都會拉著她的小車子在城市中拾紙皮。
有一日婆婆去求籤，籤話婆婆將會與身邊的人遇到無比巨大的劫數，自此婆婆無好好的睡過，每日以沉重心情去拾紙皮。
婆婆執過無數既東西，她曾檢拾十幾萬份報紙，幾萬個紙箱，五千張傳單，一百六十張情晝，二佰張分手書，四十六張不合格的試卷，十八張解顧通知書和六張離婚證明 ......，婆婆洞悉這個城市的所有秘密，但她時想....久竟這城市有幾多人會知道自已的存在。
她每天看盡人生百態，但有一個老人是她最不明白的，這老人整天在街上噴畫但從不與人交談，一次老人無意中看到婆婆求得的下下籤，老人對婆婆話：其實最壞的劫數不過是死亡，何必太介懷呢？要怕只是死後無人知無人理，我每天到處塗鴉留下痕跡只是想死後有人記得我的存在。
婆婆獨自回家，獨自看海，獨自約魚，流著淚想起自已以往的家人......看著城市人為了保護城市，牆越築越高，高得看不見海，城市人完全忘記海洋，城中各人的煩惱有增無減，天氣亦開始變得異常....
一天塗鴉老人在街上死去，畫牆上寫著：雨過天晴，一片海闊天空，婆婆看著，明白老人的啟示，其實生存沒甚麼可怕的煩腦，任何事情總會有過去的一天，晴天總會再來，積極一點生活，能令到身邊的快樂，講不定有一天，他們人會記得自已。
婆婆自知不能似年青人可以對抗命運，但最少她知道要為自已做一件事就是..... 自已為自已做一副棺材，她笑著躺入自已做的棺材，幻想有好多人為她而流淚，她不再孤單了。


自已和身邊的人時不時都有不愉快事情發生，人生就是這樣，有喜有悲，以平常心去面對不容易，但都要面對，以釋懷的心情去生活，對自已對他人都好。
昨晚無意中在亞視看到這節目，這感人的故事是由一班有熱情有理想的年青人創作的，也是動畫比賽獲獎作品之一，是第三集。
一連八集，每星期日晚1930-2000，亞洲電視本港台播映。
也可以在網上重溫
http://programme.rthk.hk/rthk/tv/programme.php?name=/kaleidoscope2010&p=4945&m=archive&page=1&item=50