天毅金燕窩莊

飲完茶走去天后既天毅金燕窩莊食糖水，今次係第三次去，實在難忘呢度既香芒。

我的至愛，富貴黃金窩 (香芒燕窩撈) $58 一個，芒果味非常香甜！一個字 <正> 呀！
 

椰汁紫米冰糖燕窩 $48

唔算係靚紫米，椰香味唔夠，但都可接受。

石斛木瓜燉雪蛤 $38

味道普通，內有 2 條石斛，我將一條放入口咬，硬的，但慢慢有一些脂膏滲出來，最後剩下渣子唔食得。
石斛功能滋陰清熱，可以「補五臟虛勞，強陰益精，久服厚腸胃」。