Farewell 學生 - 旺順火鍋牛肉專門店

學生 Tommy 要去外國讀書，我和同學們一行 8 人走去旺順火鍋牛肉專門店打邊爐，我係第二次到呢間食肆，店內裝修簡單，地方唔算大，除左一個大廳之外，還有兩個六人及十二人的廂房，呢度食物非常新鮮，食火鍋一定要食物新鮮既，我相信一分錢一分貨，所以我甚少到任食既火鍋幫趁。

本地手切肥牛，新鮮同有牛肉味，正！

　　　　　　　　　　　　　　聖子皇，肉爽脆，新鮮

羊片

鮮魚片

炸腐皮卷，好好味，食落雖然有油味，但腐皮味好香，大家十分愛好，最終都忍唔住要叫多一份。

特級肥年，價錢比本地手切肥牛貴，但我覺得比起來，本地手切肥牛有甜味多些。

好似叫做＜蘇杭餃＞，我超喜歡呀，內有香菇同少豬肉，香菇味非常香，正呀！

桂花蚌，刺身食非常鮮甜，讚！正！

還有自製墨魚丸，真正內有墨魚，正！脆肉鯇片，肉質結實，一樣都係新鮮。

豆腐，山筋，雜菜，稻庭烏冬，啤酒，蘆薈汁，酸梅湯

醬料每位十元，前菜；前菜兩碟又十元

是日 8 人共 $2008

價錢中上，但食物新鮮先係最重要。

同屋企人食團年飯 - 泰豊廔

噚晚同屋企人去尖沙咀泰豊廔食團年飯，呢間北京菜館都係舊式裝修，伙記也是年記大既，都係一般北京菜館既型式，要比人老字號感覺，可以食到正中北京菜。

醋溜鮮魚，醋溜汁既味好好，但魚炸得太硬，失色。

山東燒雞，味道麻麻，無咩特別

金華火腿津白，火腿超鹹

京燒羊排，味道非常好，而且有羊味，正！　

菜肉餃，都唔錯，餃皮靚，肉無雪味係重點，正！

鍋塌豆腐，好好味，正！

北京田鴨，睇上去真係唔夠一隻鴨喎，而且味道普通。

小籠包，普通

炸菜肉絲＋叉子餅，炸菜肉絲唔夠味，叉子餅普通

拔絲香蕉，嘩！非常唔得既甜品，香蕉一早就落左糖，拿出來個伙記放入冰水度，幾艱辛苦先整開一舊舊香蕉，連個伙記都忍唔住彈個師傅。

還有高力豆沙，送既，但超唔掂，唔係新鮮製，就算係送都要做好ｄ比人客，一係就唔好送。

9個人 $1480

北京酒樓食團年飯

昨晚同學生到北京酒樓食團飯，地方門面古舊，懷舊年代型式，伙記都是老人家，是另一翻風味。

每台都附有既前菜，花生鹹菜 ，花生普通，鹹菜唔夠鹹唔夠味。

山東燒雞

冷盤，味道唔錯，但可能是天氣凍，有太多涼左既肥油，食左幾件就覺得太膩。

我的至愛糖醋魚，糖醋味若然再重些會更好。

片皮鴨，好久無食啦，鴨味道夠，但用來包鴨既麵粉片唔靚。

油爆鱔片，味道唔錯，菜送到台面未食已經嗅到小炒香味。

 金華火腿津白，一般普通

水餃普通，無咩吸引。
 

煎鍋貼，我無食因為之前既食物太肥膩同食得太多，去到呢度個肚已經唔舒服，所以唔知咩味。

重有附送高力豆沙，唔係新鮮做出來，而且味道連一般都稱唔上，實在太差，高力豆沙是北京食肆其中一個重點甜品，竟然咁既水準，就是呢點我唔會再幫趁囉。
五個人叫咁多度菜，又食唔晒，實在太過份，但唔係我空制之內。
每人 $156

司徒華先生

   2011年 1月 2 日華叔去世左啦！第一次睇到電視打出字幕我未有返應，個心只是覺得事情終於出現，但當新聞正式報導講及華叔平生事績時，我眼淚就不能自控地流出，華叔係個鐵漢，佢唔係個貪圖富貴既人，佢只會為他人設想，幫助他人，我實在唔捨得佢走，呢幾日無論電視，電台都講著華叔，每次我都忍唔住流淚，有線電視重播一個以前華叔既訪問，問及他的去世女朋友，華叔忍唔著流淚，我當時亦都跟著流淚，華叔唔只係鐵漢，重係一個好重情既人。

   去年係銅鑼灣見到華叔係街邊寫揮春，當時我只是要左一張生意興隆揮春，捐左 $20 就走左，此刻實在有些後悔甚解當時唔同華叔握手講下野，就好似我時不時自責甚解爸爸在生時我無好好照顧佢，只顧自已既生活，人就係咁？有既時候唔珍惜，無既時候就後悔！
   呢幾日電台有一些 phone in 節目，有好多人哭著至電稱讚華叔，但有一些人郤數華叔的不是，甚解要咁？人都去左啦，要指控佢都唔應該係呢個時候，夠竟人性係咩？要指控他人就首先問問你地自已有無做錯過事，問問你地自已對社會付出過Ｄ咩？你地自已比起華叔是否應該要慚愧呢？
華叔有個諗法跟我一個心願一樣，就是若然我地擁有一間學校，一定會接收那些無學校肯接收既學生。


華叔，請您安息！一路好走！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

資料來源維基百科
http://zh.wikipedia.org/zh/%E5%8F%B8%E5%BE%92%E8%8F%AF
司徒華先生簡歷

1931年：生於香港（原籍廣東開平）

1949年：創辦學友社前身「學友中西舞蹈研究社」

1951年：畢業於皇仁書院

1952年：畢業於葛量洪師範學院，為該校首屆畢業生。並開始從事教育工作

1969年：在葛量洪師範學院校友會觀塘學校出任校長（79年前在雞寮,其後搬到順安邨），直至1992年退休

1973年：組織教師罷工反對削減文憑教師薪酬，創立香港教育專業人員協會，並出任會長

1978年：爭取中文成為主要教學語言，發起第二次中文運動

1978年：金禧事件發生後，組織民眾反對教育署封閉金禧中學

1982年：組織「紀念九一八民眾大會」，反對日本篡改侵華歷史

1985年：以立法局教育界功能組別晉身立法局

1985年：與李柱銘同時獲中共中央政府委任為基本法起草委員會委員

1989年：六四事件後，創立支聯會並任首屆主席，與李柱銘同時退出基本法起草委員會

1990年：與李柱銘等人成立香港民主同盟（港同盟），當中亦包括當年的學聯秘書長陶君行及現時民建聯成員劉江華等。

1991年：由東九龍地區直選晉身立法局（現今香港立法會的前身）

1992年：退任葛師校友會觀塘學校校長

1995年：連任立法局議員

1997年7月：與其他民主派議員杯葛臨時立法會，直至1998年香港特別行政區第一屆立法會選舉

2004年：宣佈不再競選立法會議員，但仍擔任支聯會及民主黨職務。

2010年年初：証實患有第四期肺癌，患病期間仍出席支聯會公開活動如六四21周年燭光晚會。

2011年1月2日：中午12時56分於沙田威爾斯醫院逝世，享壽79歲。