北京酒樓食團年飯

昨晚同學生到北京酒樓食團飯，地方門面古舊，懷舊年代型式，伙記都是老人家，是另一翻風味。

每台都附有既前菜，花生鹹菜 ，花生普通，鹹菜唔夠鹹唔夠味。

山東燒雞

冷盤，味道唔錯，但可能是天氣凍，有太多涼左既肥油，食左幾件就覺得太膩。

我的至愛糖醋魚，糖醋味若然再重些會更好。

片皮鴨，好久無食啦，鴨味道夠，但用來包鴨既麵粉片唔靚。

油爆鱔片，味道唔錯，菜送到台面未食已經嗅到小炒香味。

 金華火腿津白，一般普通

水餃普通，無咩吸引。
 

煎鍋貼，我無食因為之前既食物太肥膩同食得太多，去到呢度個肚已經唔舒服，所以唔知咩味。

重有附送高力豆沙，唔係新鮮做出來，而且味道連一般都稱唔上，實在太差，高力豆沙是北京食肆其中一個重點甜品，竟然咁既水準，就是呢點我唔會再幫趁囉。
五個人叫咁多度菜，又食唔晒，實在太過份，但唔係我空制之內。
每人 $156